ક્યારેક.....મળશે

સંબંધોથી છલકાતી આ વિશાળ દુનિયામાં,
ક્યારેક તો તારો સંગાથ મળશે

પ્રથમ મુલાકાતે મળતી એ ચાર આંખોમાં,
ક્યારેક તો સ્નેહ ની ભીનાશ મળશે

તું જ છે બસ તું જ છે એ સાથી,
ક્યારેક તો આ શબ્દો નો પ્રાસ મળશે

ચાલતા ચાલતા અચાનક અથડાતા એ હાથોમાં,
ક્યારેક તો સ્પર્શ નો અહેસાસ મળશે

અચાનક મળતી એ એકાંતની પળોમાં,
ક્યારેક તો પ્રેમ નો આભાસ મળશે

અતુટ સંબધથી બંધાતી આ ગાંઠમાં,
ક્યારેક તો વિશ્વાસ નો સ્વાદ મળશે

શોધવા જશે તારા પગલાની ભાત ત્યારે,
ક્યાંક મારા પગલાની પણ ભાત મળશે

~ શિલ્પા પંડ્યા